پاکستان میں سب سے محفوظ مقام

جہاں ایک بار بم بلاسٹ /دھماکہ ہو چکا ہو ;)

لڑائی کے اصول

جن سے دوبارہ کبھی بات نہ کرنی ہو ان سے اچھی طرح رج کے لڑائی کر لو کوئی حسرت نہ رہ جائے دل میں کہ کاش یہ بھی کہہ دیا ہوتا. اب کیا کریں کہ اب تو بول چال ختم ہوگئی.

جن کو دوبارا منہ دینا ہو وہاں حالات کبھی پوائنٹ آف نو ریٹرن پر مت لے جاؤ ... نہ روز روز دوسرے کو چٹکیاں بھرو کہ اگلا تنگ آکر ایک دن عزت کا پھلودہ کردے اپنی بھی اور آپکی بھی ;)

اقتباس از زندگی کی کتاب

دنیا کی سب سے بڑی نعمت

جب آنتوں کا حال ایساہو کہ" لے سانس بھی آہستہ کے نازک ہے بہت کام" تو دنیا کی سب سے بڑی نعمت آپکا اپنا , ذاتی باتھ روم ہوتا ہے.

باٹم لائن: دنیا کی سب سے بڑی نعمت وہ شے جو ضرورت کے وقت آپ کو میسر ہو ... ورنہ تو ہزاروں خواہشیں کیسی کی

مفت مشورہ

میرا مشاہدہ ہے کہ ہر عورت کے اندر بلا لحاظ عمر اور شادی شدہ یا غیر شادی شدہ, ایک ماں ہوتی ہے اور وہ جس سے بھی محبت کرتی ہے ... خواہ وہ اسکا باپ ہو, بھائی, بیٹا, شوہر/دوست, بوائے فرینڈ یا سہیلی حتیٰ کہ دادا بھی, اسکی ماں بن جاتی ہے, اسکی تکلیف پر تڑپ جاتی ہے, اسکی خوشی میں جھوم اٹھتی ہے, اسکے آرام کا خیال کرتی ہے. اسکے لیے کھانے پکاتی ہے. کھلاتی ہے ... غرض ہر آسائش مہیا کرتی ہے یا کرنے کی کوشش کرتی ہے. 

تو پیارے بچو ... اگر کوئی خاتون یا لڑکی آپ کی اماں کی طرح آپ کا خیال رکھنے لگے تو بھاگ لو ؛)

Procrastination

جب کوئی کام نہ کرنا ہو اور انکار کے لئے ایک کارگر بہانہ ہاتھ آجائے تو کس قدر اعلیٰ درجے کا اطمینان قلب حاصل ہوتا ہے۔

ہے نا ..!

Reflections from A Training Supervision

جتنے مشکل اسپیلنگ والے الفاظ کہیں پڑھے یا سنے ہیں سب اپنی پریزینٹیشن میں ڈال دو خواہ ہر بار اسپیل کرتے ہوئے خود کی زبان لڑکھڑا جائے لیکن دوسروں پر اپنے علم کی دھاک تو بیٹھ جائے گی نا ;)

Birthday بونگیاں ;)

Live your Teenage to the fullest 


Even if you have to live it Twice, Thrice or more  ;) :P

بامقصد فلم

 ایسی فلم جس   میں مقصد  زیادہ  ہوتا ہے ، فلم کم ۔

بی یورسیلف

سارے دنیا کے سوشل میڈیا پر ہر دوسرا بندہ  بی یورسیلف والی پوسٹیں شئیر کرتا ہے ، گویا ہر ایک کو بی یورسیلف ہونے کا مشورہ دیتا پھرتا ہے۔

 اور جب  بندہ بی یور سیلف ہو جائے تو سب سمجھتے ہیں اسکا دماغ چل گیاہے.

سیکورٹی فورسز

= جو دن رات اپنی ہی سیکیورٹی میں مصروف اور ناکام رہیں

بھاگو بچو بھووووت آیا

ٹاپ فلور کی صفائی کرتے ہوئے آہٹ سی ہوئی، "ہنہ یہاں کون ہوگا بھلا" پھر سوچ کا دھارا کسی اور طرف چل نکلا۔ کبھی اگر ایسا ہوا کہ اچانک گھر میں کوئی ایسا چہرہ یا مخلوق نظر آگئی جس سے پہلے کبھی مذاکرات نہ کئے ہوں تو میں اس سے کیا بات کروں گی۔ مثلاً" ارے آپ، آپ بھی یہیں رہتے ہیں۔ اچھا کب سے، ہم تو عرصہ دراز سے یہاں رہتے ہیں۔ آپ سے پہلے کبھی ملاقات نہیں ہوئی۔ اچھا آپ کی کیا دلچسپیاں ہیں۔"

لیکن ایسا ہو گا نہیں، صرف یہ ہوگا "امی ی ی ی ی " اور موقع واردات سے فرار ۔۔۔ کیوں کہ بچپن سے یہی سیکھا ہے :P

ادھاریات

ادھار اتنا ہی دو جس کی واپسی نہ ہونے کی صورت میں تعلقات میں فرق نہ پڑے۔ ورنہ صاف انکار کر دو کیوں کہ مقروض نے لے کر بھی بھاگ جانا ہے اور منع کرنے پر بھی [ناراض ہوکر]، تو بہتر ہے بندہ بھاگ جائے پیسے تو بچ جائیں ، بجائے اسکے کہ نہ پیسے بچیں نہ بندہ ۔ 

اگر کوئی ادھار لے کر بھول گیا ہو تو کچھ عرصے بعد اسے یاد دلائیں، اگر 1000 روپے ادھار لیے ہوں تو کہیں کہ آپ نے جو مجھ سے 2000 روپے لیے تھے وہ واپس کر دیں، اسکی وہ مقروضہ یادداشت جو کافی عرصے سے لاپتہ تھی فوراً واپس آجائے گی اور وہ کہے گا کہ نہیں دو ہزار نہیں ، ایک ہزار لیے تھے۔ آپ بھی مظلوم سا منہ بنا کر کہیں کہ اچھا تمہیں 1000 یاد ہے تو چلو 1000 ہی دے دو :P

کاش میں تیرے ہنسیں دانتوں کا منجن ہوتا

تظمین   :
"کاش میں تیرے حسیں ہاتھوں کا کنگن ہوتا"

از وصی شاہ

کاش میں تیرے ہنسیں دانتوں کا منجن ہوتا

تو بڑے پیار بڑے دلار کے ساتھ

مانجھتی مجھکو

کبھی جو بے خیالی میں

مارتی پچکاری میری

میں ترے گھر کی دیوار پہ سج سا جاتا

ڈنٹونک کے بندر کی مانند

کسی کونے میں چپک سا جاتا

کاش میں تیرے ہنسیں دانتوں کا منجن ہوتا

از نسرین غوری + سمیرہ انجم 

Blind Date

جس میں شرکاء کا خیال ہوتا ہے کہ ساری دنیا اندھی ہے سوائے ان دونوں کے :P

نظریہ ضرورت

بیوی ایک آنکھ نہیں بھاتی  ، " ہماری تو کبھی بنی ہی نہیں ، میری تو زندگی برباد ہوگئی"

بچوں کے ڈھیر،،،، سوری، لائنیں  :P 

دیکھا جو تیر کھا کے کمین گاہ کی طرف

دیکھا جو تیر کھا کے کمین گاہ کی طرف
اپنے ہی دوستوں سے ملاقات ہو گئی

بندہ پچھے کہ بھائی شاعر تمہیں اول تو شکار پہ جانے کو کس نے کہا تھا اور وہ بھی ایسا شکار جو کمین گاہ سے کیا جاتا ہے یعنی شیر یا گینڈے کا شکار

دوسرے اگر چلے ہی گئے تھے تو کمین گاہ میں ٹک کے بیٹھنا تھا . اور اگر کسی انسانی ضرورت کے تحت اترنا پڑ ہی گیا تھا تو پیچھے کی طرف جاتے .. تیروں کے سامنے والی سمت گئے کیوں ... شکر کرو کہ صرف تیروں کا سامنا ہوا ... شیر یا گینڈے سے ہو جاتا تو یہ شعر کہنے کی حاجت ہی نہ رہتی.

تیسرے بندہ دوستوں کے ساتھ ہی شکار پہ جاتا ہے ... تو دوستوں سے ہی ملاقات ہونی تھی نا .. اور اگر دوست کمین تھے تو بندہ اپنے دوستوں سے ہی پہچانا 

جاتا ہے نا .. بالکل صحیح ہوا تمہارے ساتھ

:P

My Dictionary

Affair : A-fair means Something that is not fair

Selfish: The one who is addicted to selfies

Paindoo: the one who is not familiar with the norms, usually Urban norms but there are Urban paindoos means everyone is A Paindoo in one way or the other ..!

Woman: Wife of man

to be cont ...

سفارت خانہ خراب

مقام: پاکستانی سفارتخانہ، مصر

کلرک: "اچھا تو آپ کراچی سے ہیں تو سندھی تو نہ ہوئیں نا۔"
نا چیز: "میرے خیال میں یہ پاکستان کا سفارتخانہ ہے، سندھ کا نہیں۔"

پاکستانی کرکٹ

پاکستانی کرکٹ = آج تالیاں، کل گالیاں :D

قانونِ بزتی

If someone is trying to communicate disrespect or insult to you, just turn your antenna in another direction or turn off your receiver for the time being. 
Never give receipt to the next party..!

جو آپ تک نہ پہنچے وہ بزتی نہیں ہوتی :P